#603

Umwami wacu Yesu n’uwo kwizigirwa

Umuco 2

Couplet 1

Umwami wacu Yesu n’uwo kwizigirwa, Yarampay’ Ukunesha, n’Uwo kwizigirwa. Yanyumvis’ ugusenga, n’Uwo kwizigirwa. Umwami wacu Yesu n’Uwo kwizigirwa.

Niwonger’ump’inkomezi, Mbandanye imbere, Kukw’Ijambo ryaw’ari inkinzo... Yo kwihishamwo.

Yangwaniy’Urugamba Aranneshereza, Nari kure mw’ishayo Aranneshereza, Ac’Anshira mu Nzira ndamukurikira, Umwami wacu Yesu n’uwo kwizigirwa.

Niwonger’ump’inkomezi, Mbandanye imbere, Kukw’Ijambo ryaw’ari inkinzo... Yo kwihishamwo.

Uwuguma mw’Ijambo ntazomaramara, Ǔgendera mu Kuri nta bw’amaramara, Kuko aba yabonye Inzira acamwo, Umwami wacu Yesu n’Uwo kwizigirwa.

Niwonger’ump’inkomezi, Mbandanye imbere, Kukw’Ijambo ryaw’ari inkinzo... Yo kwihishamwo.

Yatuberey’Intsinzi Uwo Mwami wacu Yaduhaye Ijambo ritang’ Ubugingo, Uwuryizera wese rica rimukiza, Umwami wacu Yesu n’Uwo kwizigirwa.

Niwonger’ump’inkomezi, Mbandanye imbere, Kukw’Ijambo ryaw’ari inkinzo... Yo kwihishamwo.

Twitw’Abana b’Imana kandi ni ko turi, Kuko twarabihawe n’Umukiza wacu igihe yari ku Musarab’ Avug’ati: “Ugucungurwa kwanyu ng’uku, kurashitse”.

Niwonger’ump’inkomezi, Mbandanye imbere, Kukw’Ijambo ryaw’ari inkinzo... Yo kwihishamwo.

Wanyeretse Inzira ndagukurikira, Ubu ni W’Undongora, nzogukurikira, Wandavye ngeze kure, nzogukurikira. N’ushimwe Mwami Yesu kuko Wampariye.