#507
Haguruka mwa ngenzi
Umuco 2
Couplet 1
Haguruka mwa Ngenzi mwahamagawe, Inzir’ija mw’Ijuru tuyisozere, fat’Intwaro z’Umwami zose zishoboka, Tugwane na wa Mubi, Intsinzi n’iyacu.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 2
Intambara ni nyinshi n’amahwa ni menshi, ariko duhumure tuzoruhuka. Kwicara bimaz’iki? Reka dukomeze, Tugwane nk’Abahizi b’Imana Nzima!
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 3
Urukundo rw’Imana ruraduhagatiye, mbega yemwe Bagenzi twe tubuz’iki? Isi yos’ibirimwo n’ibiri mw’Ijuru, biganzwa vyose n’uwo Mwami w’Amahoro.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 4
Turashigikiw’ i buryo n’i bumoso, imbere n’inyuma hose har’Umwami. None twotinya iki mur’iyo nzira? Dushigikiwe n’Uwo Mwami Ahambaye.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 5
lnzir’iraruhije koko bagenzi, ariko kand’Umwami Yes’Araduhoza. Ivyo bitunaniza ni vyo bivamwo, Umunezero n’Intahe mu Rugendo.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 6
Uwo Mwansi Satani ntaho yoduca, kiretse tumwumviye mu kameremere, iy’azany’ ubugunge n’ibihendo vy’isi, Turamuhishurirwa ku bw’Umucunguzi.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 7
Twaramenywe n’Umwami, nimuhumure Yiteguye kudukorer’ ibikomeye. Ntaco Yishigarije Ataduhaye, Yaturaz’ Umurage w’Abana b’Imfura.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 8
Mukigenda bagenzi nimwihangane, mugende muyoboka muharirana. Musab’ico mugomba muzogihabwa, mukomange ku rugi muzugururirwa.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.
Couplet 9
Tubaragij’Imana mwibandanirize, murahiriwe kuko mwahisemwo neza. Bana bato b’Umwami nimunezerwe, kuko So wo mw’Ijuru Azobakira.
Refrain
Yemwe Ngenzi z’Umwami muri mu Rugendo, Tumenye neza ko tugwana na Satani, rab’inzir’ija mw’Ijuru Yarasibuwe, n’Amaraso y’Umukiza.