#460
Inzira y’abera yamye ifunganye
Umuco 2
Couplet 1
Inzira y’Abera yamye ifunganye, Inzira y’Abera yamy’ iruhije, Inzira y’Abera y’umusaraba, Ni y’Umwami Yesu Yaciyemwo.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 2
Turabe Abeli yayitanguye, Amaraso yiwe arasemerera, arasemerera gushika ku Mana. N’inzira y’Abera y’imibabaro.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 3
Eliya ararir’abwir’ Uhoraho, At’abavugishwa babamaze, nanje nyene bagomba kunyica. N’inzir’ iruhije y’imibabaro.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 4
Na Yeremiya ni yo yaciyemwo, bamubitse mu kinogo c’ivyondo, bamuhoy’ Ijambo yavugishijwe. N’inzira y’Abera bahishurirwa.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 5
N’Intumwa zawe ni yo zaciyemwo, Bamwe babicishij’ amabuye, Abandi bababamvye bacuramye, Abandi batabwa mu muriro.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 6
Abandi batawe mu ntambwe zishonje, Abandi baribwa n’imbwa zisara, Abandi baciwe amazosi. N’inzir’ iruhije y’imibabaro.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 7
Uhorah’Umwami ni ko Yavuze, At’ “Is’izobanka nk’uko yanyanse, ibakunze nah’izob’ ikunz’icayo”. Ishengero rica mu mibabaro.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 8
Na twebw’abo mw’Ishengero rya nyuma, Iyo ni yo Nzira Waduciriye, Uduh’ ubushobozi bw’inkukuma, Tugendere hejuru y’umubiri.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.
Couplet 9
Uduhe gushika kuri Wa musi, Aho tuzokwumva inzamba ivuze, N’akamo ka Marayika Mukuru, Ni h’Ijuru rizoba ryugurutse.
Refrain
N’inzira nziza y’ivyizigiro, N’inzir’ ishikana mw’Ijuru ku Mana, Nta wuyicamw’ adahishuriwe, Itemb’ amarira n’amaraso.