#188

Ni nde yohagarara

Umuco

Couplet 1

Ninde yohagarara adahagaritswe n’Imana? Ninde yogenda atarongowe n’Imana ./.Uhoraho niwe Murongozi nyakuri inkigi yo kwegamira./.

Refrain

Ninde yiteguye, kurwan’ urugamba, rw’igihe canyuma; akameny’ Imana, ku munsi mubi, mu bugingo bwiwe? ./.Uwo niw’ ashinz’ imizi, kuri rwa Rutare, na ya Nkingi y’ukuri./.

Couplet 2

Uhoraho abwira Yeremiya at’ubona iki? Naw’ati mbon’ igiti igiti c’umurinzi ./.Uhoraho niwe Murinzi nyakuri, arind’ Ijambo Ryiwe./.

Refrain

Niw’Azokwigisha, Akugir’ inama mu bugingo bwawe. Uzomeny’ Imana mu bihe bigoye vy’igihe ca nyuma ./.Uzubaka vyukuri kuri rwa rutare soko y’ubugingo./.

Couplet 3

Umuntu yubak’inzu, Uhoraho atubatse, uworind’ igisagara Uhoraho Atarinze ./.Mbega vyomar’iki? Uhoraho niwe Murinzi nyakuri./.

Refrain

Azokurongora, akwuhagir’ imvyiro, mu bugingo bwawe; uzomwizigira, uzonesh’ Umubi, akugerageza./. Ubwo uzoshing’ imizi, kuri rwa rutare, soko y’Ubugingo./.

Couplet 4

Jewe nogenda nte, ntarongowe n’Imana, jewe nokor’iki, ntakoreshejwe n’Imana ./.Mana yanje mfasha je ndongorwe nawe mu nzira y’ukuri./.

Refrain

Niwe nzizigira, niwe nzokorera mu bugingo bwanje ni we Mwami wanje, niwe Mwungere wanje Murongozi nyakuri ./.Undongore Mukiza, je ngendane nawe mu nzira y’Ukuri./.