#396
Mwene data wakiwe n’umuco
Umuco 1
Couplet 1
Mwene Data wakiwe n’umuco, Ukab’intama y’Uhoraho, Umwami wawe yam’akuyagira, Mw’ijwi ryiyoroheje cane, {Ubuzwa n’iki gushikama neza? Ubuzwa n’iki guhagarara? Mbega ntiwohumuk’amaso yawe, Ubon’ubwiza bw’Uhoraho.} x2
Couplet 2
Imbere yawe haraciy’intwari, Iyi si ntiyar’ibabereye, Abandi nabo bambar’udusato, Koko hari ingenzi mur’iyi si, {Maz’Ijamb’ukaryim’agaciro, Wibwira kw’iyo nzir’ar’ugufyina, Hindukira vuba wikangure, Ureke kwitang’ubufuti.} x2
Couplet 3
K’udasiba kuza mw’Ishengero, Mu mutima none warons’iki? Ko witang’ugatang’amashikanwa Mbega wumva har’igisubizo? {Isuzume cane mwene Data, Sab’Iman’igusukeko ubuntu, Senda vyose bigutsikamira, Bikabuz’ubugingo guseruka.} x2
Couplet 4
Mbeg’imvura yogwa mu mirima, Maz’indimiro ntizitotahare? Mbeg’iyo umuco w’izuba watse, Imbuto nazo ntizij’ahabona? {Ibuka wa muns’Umwami Yesu, Yavuganye n’umutima wawe, Wihanganiy’ibigeragezo, Ku bw’umuco wakiye muri wewe.} x2
Couplet 5
None rero ongerez’ubutwari, Domek’itara ryawe ryake, Kenyer’uhagarare ku rugamba, Udatsinzwe na wa mugwanizi, {Wirinde kuza mu ngoro y’Imana, Udafis’ikimazi mu mutima, Ikimazi ciz’Umwam’ashima, N’umutima wam’unyotewe.} x2