#309
Bene data bavukanyi
Umuco 1
Couplet 1
Bene Data bavukanyi, Mwese mukoraniye aha, Ab’Uhoraho wenyene, Yimenyeye kuva mbere, Isi n’ijuru bitararemwa, Nimuze dushime Imana, Kuko Imana ar’urukundo, Kandi n’Iyo kwizera, N’ivyizigiro vyacu.
Refrain
Raba Ijambo ry’Imana, Ni rizima hagati yacu, Niyo Nkingi y’Umuriro itur’imbere, Ngo ntihagire n’umwe azimira, Kukw’Igikorw’ ar’ic’Imana.
Couplet 2
Ya Mana yamyeho kera, Kuva kw’itanguriro, Ya Mpwemu yatambatamba, Hejuru y’amazi ivuga iti: «Umuco n’ubeho» ukabaho, Ibonye ko umuco ari mwiza, Iwutandukanya n’umwiza, Bene Data, iyo ni Yo, Iturongora mu rugendo.
Refrain
Raba Ijambo ry’Imana, Ni rizima hagati yacu, Niyo Nkingi y’Umuriro itur’imbere, Ngo ntihagire n’umwe azimira, Kukw’Igikorw’ ar’ic’Imana.
Couplet 3
Niyo yambaye umubiri, Maze yitwa Emanweli, Iraducungura ira...tubambirwa ku Musaraba, Duhabwa Izina rya Yesu, Ngo dukizwe ivyaha vyacu, Iyo ni Yo iri kumwe natwe, Mu rugendo turimwo, Rutujana i wacu mw’Ijuru.
Refrain
Raba Ijambo ry’Imana, Ni rizima hagati yacu, Niyo Nkingi y’Umuriro itur’imbere, Ngo ntihagire n’umwe azimira, Kukw’Igikorw’ ar’ic’Imana.
Couplet 4
Iyo niyo yamanutse, Mu bushobozi bwa Mpwemu, Ku musi wa Pentekote, Nk’uko vyari vyasezeranywe, Maze turaronka umwitsa, Ari yo ngwati yo gushi-, ka ku musi wo gucungurwa, Iyo ni yo idutsindira, Mu bintu vyose bitugwanya.
Refrain
Raba Ijambo ry’Imana, Ni rizima hagati yacu, Niyo Nkingi y’Umuriro itur’imbere, Ngo ntihagire n’umwe azimira, Kukw’Igikorw’ ar’ic’Imana.
Couplet 5
Umuhanuzi Yesaya, Yari yarabihanuye, At’«Umwana w’umuhungu, Ng’uyo aratuvukiye, Azokwitwa Gitangaza, Imana y’Ubushobozi, Data wa twese Ahoraho.» Uyo n’Umukiza wacu, N’Umucunguzi Yesu Kristo.
Refrain
Raba Ijambo ry’Imana, Ni rizima hagati yacu, Niyo Nkingi y’Umuriro itur’imbere, Ngo ntihagire n’umwe azimira, Kukw’Igikorw’ ar’ic’Imana.