#239

Har’igihugu ciza twasezeraniwe

Umuco 1

Couplet 1

Har’igihúgu ciza twasezeraniwe, Iyo ndakibonye kiranezera, Mbega weho ncuti uragisasirira, Abera bapfuye bakiciteze.

Refrain

Benshi bazoririmb’ishimwe ryiza, Bicaranye n’Umwami w’abami, Bazov’iburasirazuba, Abandi bav’iburengerazuba, Hazob’umunezero mwinshi cane, Ku bogejwe n’amaraso.

Couplet 2

Ndatangajwe n’ubuntu nagiriwe, Kuzotah’ubukwe bw’Umwagazi, Abera bazambar’ibitako, Nta ndobeko izobicaramwo.

Refrain

Bazogendagend’imisozi myiza, Bagendanirwa n’abamarayika, Tuzumv’inkuru nziza z’abahizi, Bamwe baduciriye inzira, Ubwiza bw’Umukiza wacu Yesu, Buzotwibagiz’imibabaro.

Couplet 3

Tuzumv’inkuru nziza za Daniyeli, Shaduraki hamwe na Meshaki, Ingene bashinz’intahe mu muriro, Mbega mwene Dat’uzob’uhari?

Refrain

Mbeg’Umunezero mwinshi cane, Gusangira hamwe Vino nziza, Tuzumv’intahe za Paulo, Ingene yagwaniy’ Ukwizera kwiwe, Hazoba har’impundu n’amahoro, Iyo tuzob’imisi yose.