#144
Tuimbe musambu muakane
Coll. des Cantiques
Couplet 1
Tuimbe Musambu muakane, Bua butumbi bua Nzambi; Tuimbile Muana Mukoko, Wakafua bualu buetu. Yeye kakadi ne bualu, Wakabikidibua bubi Bua kutuvuija bakane Kudi Nzambi wa muoyo.
Refrain
Kudiye kuikale lumu, butumbi ne bukole, Bubanji, bunene bonso kashidi tshiendelela.
Couplet 2
Wakafua lufu lua bundu, Kusunsuka mubidi; Mutua milonda mu bianza Ne pa makasa andi; Mutua difuma mu mbadi, Mukudika ku mutshi. Mashi andi ne mayi bia Kapueka bualu buetu.
Refrain
Kudiye kuikale lumu, butumbi ne bukole, Bubanji, bunene bonso kashidi tshiendelela.
Couplet 3
Lufu ne muaba wa bafue Biakapangila bualu, Muana Mukoko wa Nzambi Wakatamba bukole. Wakabika ne butumbi Ne bukokeshi bonso; Udi ne moyo mu diulu Kashidi tshendelele.
Refrain
Kudiye kuikale lumu, butumbi ne bukole, Bubanji, bunene bonso kashidi tshiendelela.
Couplet 4
Nsapi ya muaba wa bafue Ne ya lufu kabidi, Wakayinyenga Satana, Idi mu tshianza tshandi; Bualu bua lupandu lonso Ye’ wakabukumbaja; Wakajikija mudimu, Wakabanda mu diulu.
Refrain
Kudiye kuikale lumu, butumbi ne bukole, Bubanji, bunene bonso kashidi tshiendelela.
Couplet 5
Tuimbe ne diyi dikole Ne disanka dinene: Tuakadi bafue mu bubi Bua mubidi ne muoyo; Tuela mbila ya disanka, Tudi bapikudibue; Muana Mukoko wa Nzambi Wakatupa lupandu.
Refrain
Kudiye kuikale lumu, butumbi ne bukole, Bubanji, bunene bonso kashidi tshiendelela.